Я шукаю даўнейшыя рэцэпты беларускага піва, вывучаю крыніцы і вяртаю гісторыю ў келіх. Тут — мае даследаванні, рэцэпты, знаходкі і відэа.
Прыдыбайла СтаніслаўПівавар і даследчык · Прыдыбайлавы Бровар
Ад архіўнай старонкі — да жывога піва
2026 / Гісторыя піва / ДаследаванніГісторыя піва / ДаследаванніПБПДаследаванне архіўнага плана 1756 года, які, верагодна, звязаны з маёнткам Бакшты ў Ашмянскім павеце. Аналіз надпісаў, катлоў, саладоўні, складоў для гарэлкі і валоўні дазваляе выказаць здагадку, што ў гэтым гаспадарчым комплексе маглі спалучацца піваварства і вытворчасць моцнага збожжавага алкаголю.
Чытаць ↗
2026 / Культура і побытКультура і побытПБПЯк пілі піва ў Рэчы Паспалітай XVIII стагоддзя? Паводле апісанняў Енджэя Кітовіча даследуем піўную геаграфію, незвычайныя келіхі, гульню «piwo — dobre — nalej» і ролю алкагольных застолляў у шляхецкай палітыцы.
Чытаць ↗
2026 / Культура і побытКультура і побытПБПЯк кава змяніла ранішнія звычкі шляхты Рэчы Паспалітай XVIII стагоддзя? Гісторык Енджэй Кітовіч распавядаў, як новы напой выцясняў традыцыйную піўную поліўку — граматку — і, на яго думку, дапамагаў жанчынам і мужчынам пазбягаць празмернага ўжывання моцнага алкаголю.
Чытаць ↗
2026 / Гісторыя піва / ДаследаванніГісторыя піва / ДаследаванніПБПЯк рэформы Антонія Тызенгаўза паўплывалі на развіццё піваварства ў Вялікім Княстве Літоўскім у другой палове XVIII стагоддзя? Чэшскія майстры, будаўніцтва мураваных бровараў, вытворчасць соладу і вырошчванне хмелю — паводле гістарычных даследаванняў і архіўных дакументаў.
Чытаць ↗Інтэрв’ю, публікацыі і размовы пра праект.
Праект у медыяOnlínerПБП26 мая 2025 года інтэрнэт-выданне Onlíner апублікавала матэрыял журналіста Сашы Маніту, прысвечаны майму гістарычнаму даследаванню паходжання боршчу. У публікацыі распавядаецца пра тое, што на беларускіх землях боршчам раней называлі не толькі поліўку, але і ферментаваны слабаалкагольны напой з баршчэўніку, які ўжывалі ў тым ліку замест піва. Журналіст знаёміць чытачоў з гістарычнымі сведчаннямі еўрапейскіх аўтараў XVI–XVIII стагоддзяў, а таксама прыводзіць каментар вядомай даследчыцы беларускай кухні Алены Мікульчык. Матэрыял прысвечаны вынікам майго даследавання «У ВКЛ „Боршч“ — гэта не суп!?» і гісторыі малавядомай традыцыі беларускай пітной культуры.
Чытаць ↗
Праект у медыяOnlínerПБПУ спецыяльным праекце Onlíner, падрыхтаваным сумесна з «Аліварыяй», мы прыгатавалі сметанковае піва, натхнёнае гістарычным беларускім піўным супам — граматкай. У публікацыі распавядаецца пра рэцэпт напою, працэс яго прыгатавання і мае даследаванні старадаўніх піваварных традыцый Беларусі. Асобная ўвага надаецца магчымай сувязі граматкі са сметанковым півам з твораў пра Гары Потэра, а таксама захаванню і адраджэнню гістарычных беларускіх рэцэптаў.
Чытаць ↗
Праект у медыяOnlínerПБП30 снежня 2024 года Onlíner апублікаваў матэрыял пра даследаванне Станіслава Прыдыбайлы, прысвечанае гістарычнаму сметанковаму піву і граматцы — гарачаму напою на аснове піва, распаўсюджанаму ў гістарычнай піцейнай культуры нашых земляў. У публікацыі разглядаюцца паралелі паміж англійскім сметанковым півам эпохі Цюдараў, граматкай Вялікага Княства Літоўскага і напоем з кніг пра Гары Потэра. Таксама распавядаецца пра праведзеныя майстар-класы і практычную рэканструкцыю старадаўніх рэцэптаў. Асобная ўвага надаецца каментару кандыдата гістарычных навук Алега Дзярновіча, які назваў прапанаваную даследчыкам версію гістарычнай сувязі напояў пераканаўчай.
Чытаць ↗
Праект у медыяOnlínerПБПУ жніўні 2024 года журналіст Onlíner Саша Маніту і фатограф Максім Маліноўскі прыехалі на востраў возера Сялява, дзе мы праводзілі гістарычную рэканструкцыю піва «Інфляцкі бір» паводле рэцэпта з рукапісаў Мікалая Млечкі, які ў публікацыі датуецца перыядам 1595–1632 гадоў. Рэпартаж распавядае пра мае пошукі старадаўніх беларускіх піўных рэцэптаў, супрацоўніцтва з гісторыкамі, навукоўцамі і майстрамі, а таксама пра сам працэс варкі — з выкарыстаннем мясцовага хмелю, ядлоўцу, дзікіх дражджэй, драўляных кадак і распаленых камянёў. Адначасова з нашай гістарычнай варкай на востраве адбываліся археалагічныя раскопкі, якія прынеслі важныя знаходкі для вывучэння найстаражытнейшай гісторыі Беларусі.
Чытаць ↗Варкі, знаходкі і размовы пра беларускае піва.
ПБП / video60sА вы ведалі, што некалькі стагоддзяў таму «боршч» мог азначаць зусім не суп? Гістарычныя крыніцы сведчаць, што на землях Вялікага Княства Літоўскага з баршчэўніку звычайнага ( Heracleum sphondylium ) гатавалі ферментаваны напой. Яго пілі замест лёгкага піва, выкарыстоўвалі як аснову для страў, а з самой расліны таксама атрымлівалі сыравіну для моцных напояў. У відэа разбіраемся, што пра такі «боршч» пісалі Джон Джэрард у 1597 годзе, Каспар Хофман, Фрыдрых Картойзер, Жан Эмануэль Жылібер, Аляксандр Дзюма і іншыя аўтары, і чаму гісторыя боршчу звязаная не толькі з кухняй, але і з гісторыяй піваварства і ферментаваных напояў.
ПБП / video235sАрхіўны відэазапіс адкрыцця бочкі з «Інфлянцкім бірам» — рэканструяваным півам паводле рэцэпта 1630-х гадоў.
ПБП / video108sКароткае відэа-разважанне пра розніцу паміж элем і півам у гістарычным і сучасным ужытку тэрмінаў.